ئەمڕۆ نۆیەم سالە فەیس بۆک بەکار دەهێنم.
لە سەرەتای ٢٠٠٣ دەستم بە بەکار هێنانی پالتۆک کرد. هەردەم بەشداریی ژووری کوردستان یوناتد،م دەکرد. بەڕێوەبەری ئەو ژوور، ڕێزدار بۆتین شکاک بو لە ئوستڕالیا و چەندان ئەدمینی هەبون لە سەرتاسەری جیهان. بۆ کاتێکی بەرچاو، بەڕێز کاک ئارام ئەحمەد دیارترین و چالاکترین ئەدمینی ئەو ژوور بو، هەتا ڕۆژێک بەرنامەی دانابو کە یادی سی و یەکی ئاب بکاتەوە، کەچی لە کاتی بەرنامە دەست پێکردن، خاوەنی ژوورەکە بۆتین هات، مایکی گرت و بەری نەدا. زۆرینەی ئامادەبوان داوایان لێیکرد، ڕێگەی پێیان نەدا بەرنامەکە لەسەر ئەو یادە دەست پێبکەن،کاک ئارام و زۆر لە بەشداربوانی ئەو ژوورە لە هەلسوکەوتی بۆتین ناڕازی بون و ژوورەکەیان بەجێ هێلاو چون ژووری کوردستان دەنگی ئۆپۆزیسیۆن،یان کردەوە. هەرچەندە بۆتین کەسێکی زۆر چالاک بو، بەس لەگەل کرانەوەی ژووری ئۆپۆزیسیۆن، ژووری کوردستان یونایتدی بۆتین، توشی لەدەستدانی جەماوەر بو و زۆربەی دەنگی ناڕازی لە سیستەمی حکومڕانیی خێلگەرایی هەرێمی کوردستان ڕویان لە ژووری ئۆپۆزیسیۆن کرد.
ئەو سەردەمی بەندە شفێری لۆریی هەژدە تایەی بارگواستنەوە بوم، بەس لە هەر جێگەیەک دەرفەتم وەرگرتبا، بەشداریی ژووری کوردستان دەنگی ئۆپۆزیسیۆن،م دەکرد و ماوەیەک مافی ئەوەم پێدرا کە چەکوچێک بەدەستەوە بگرم و وەک ئەدمین، هەر کەسێک سوکایەتی و بێڕێزی بکات، لەسەری بدەم و وەدەری بنێم. پاشان لە دەستپێکی سالی ٢٠١١دا بەشداری پەیجی فەیس بۆک و بلۆگ بوم، هەتا ئێستایش بەردەوامم لەگەل هاوڕێیان لەو ڕێگەیەوە.
وەک دەزاندرێ بەکارهێنانی هەر ئالات و ئامرازێک لەسەر خودی بەکارهێنەر دەمێنێتەوە، بەکارهێنەر دەتوانی بە شێوەیەکی گونجاوو تەندروست سودی زۆری لێوەر بگری و نەهێلی کاتی بە فیڕۆ بڕواو و زەرەرمەند بێت، دەشتوانی بەردەوام بەبێ لەبەرچاو گرتنی کاتی زێڕینی، بەکاری بهێنی و ببێتە شێوە قومار کردنێک بە کات و ساتە جوانەکانی و هەتا دەگاتە توشبون بە حالاتی دەرونی و هەلچون لەگەل ئەندامانی مالباتیش.
لێتان ناشارمەوە، سەرەڕای کات کوشتن، پەیجە ئەلکتڕۆنیەکان سودێکی بێ ئەندازەیان پێم بەخشیوە، سەدان کەسی بیرگەوهەریم لەو ڕێگەیەوە ناسیون و بە بەرهەم و ئامۆژگاریە پڕ سود و پەروەردەییەکانیان ئاشنا بوم و ناتوانم سنوری ئەو سودە زۆرانە دیاری بکەم.
بەلێ زۆر جارانیش کەوتومەتە بەر هێرشی ناڕەوای جوێنفرۆشانی پەروەردە نزم و بیرتەسک و دونیا نەدیتە، بەس هەرگیز ئەو پەروەردە نزمانە نەیانتوانیوە ببنە ئەو گرانیە کە لاتەرازووی پەروەردەدارو بەرهەمدارو هۆشیارانی ژیاندۆست بجولێنی و خودی خۆیان ڕسوا بوینە و کاریگەریان دابەزیتەوە بۆ خالی سفر.
بەلێ زۆر جارانیش کەوتومەتە بەر هێرشی ناڕەوای جوێنفرۆشانی پەروەردە نزم و بیرتەسک و دونیا نەدیتە، بەس هەرگیز ئەو پەروەردە نزمانە نەیانتوانیوە ببنە ئەو گرانیە کە لاتەرازووی پەروەردەدارو بەرهەمدارو هۆشیارانی ژیاندۆست بجولێنی و خودی خۆیان ڕسوا بوینە و کاریگەریان دابەزیتەوە بۆ خالی سفر.
پالتۆک لە سالی ١٩٩٨ لە لایەن ڕێزدار جەیسن کاتز،ەوە هاتە دامەزراندن و هەتا سالی ٢٠١٣ ژمارەی بەشداربوانی لە چوار ملیۆن تێپەڕاند.
دامەزراندنی فەیس بۆک دەگەڕێتەوە بۆ ٤-٢-٢٠٠٤ لە لایەن گەنجێکی ئەمەریکی،وە بەناوی مارک زوکەربەرگ. هەتا ئێستا ژمارەی بەکارهێنەرانی لە ٢.٤٥ ملیار کەس تێپەڕاندووە.
بەو ئومێدەی هاوڕێیانیش لێی سودمەندو سودبەخش بوبن و بەردەوام ڕوحی ژیاندۆستی و بەرهەمی هونەری و ئەدەبییان تێیدا زێدەتر بێت.
وێنەکە لە گوگل وەرگیراوە.
وێنەکە لە گوگل وەرگیراوە.
