ڕۆژی دایکان

ئه‌مڕۆ ڕۆژی دایکانه‌

له‌هه‌موو جیهان خۆشی و دیاری و گول بارانه‌ 

چ به‌دبه‌ختیه‌ له‌کوردستانی ئێمه

‌به‌شی دایکان  ڕه‌ش پۆشین ڕۆ ڕۆو گریانه‌

ئه‌رێ بەڕاستە, ئه‌وه‌ کوردستانه‌

یانیش جه‌نگه‌لستانە‌؟ 

 ئه‌رێ به‌ڕاست کورد خاوه‌نی حکومه‌ت و سه‌رۆك و په‌ڕله‌مانه‌؟

 یان مال وێرانی و نەزانی و سه‌ر لێ شێوانه‌؟ 

یانیش نوێ کردنەوەی سیستەمی دەرە بەگایەتی و ئاغاکانە

چ ده‌ستێکی ڕه‌ش و چه‌په‌لی بکوژانه‌؟  

چ دلێکی ڕه‌ق و گه‌مژه‌و دوور لە ویژدانه‌؟

ڕۆله‌کانی بتۆقێنی تیرۆرستانه‌ 

له‌چ فه‌رهه‌نگدا تیرۆر پیشه‌ی ئازادی خوازانه‌؟ 

 ئاخ کورد چ گه‌لێکی ناهۆشیارو بێ ده‌ست هه‌لات و به‌ست ئه‌زمانه‌         

هاوارە کوردی به‌دبه‌خت هه‌سته‌سه‌رخۆ ڕاپه‌ڕه‌ له‌و خه‌وه‌گرانە

به‌س بژی مل که‌چ و زه‌لیل و نامه‌ردانه‌

نیشتیمان گۆڕەپانی خوێن مژو گه‌نده‌ل و ڕمبازانه‌

جێی ململانێی داگیر که‌رو تالان که‌رو دوژمنانه‌

 چیتر بڕوا نه‌که‌ن به‌و حیزب و سەرۆك و بنه‌ماله‌خۆپه‌رستانه‌

گه‌ر ئازادی نه‌بو، مردن  خه‌لاتی ڕوحو گیانه‌

 ڕۆژانە وا تۆقاندنه‌، خه‌رمان سوتانه‌‌

له‌ناو بردنی هۆشیاری و زانست و ڕۆژنامه‌وانانه

گەر زانست و پەروەردە نەبێ مرۆڤ سەرگەردانە‌

لەسەر نوسین فەرمانی ڕۆژنامەوانانە

 کوشتنی ئازادی خوازو ڕەخنە گرانه‌  

نه‌دادپه‌روه‌ریه‌، نه‌یاساو نە سۆزو پەیمانە‌ 

ئاواره‌کردنی گه‌نجه‌کانه

کوشتن و سوتانی کچانە‌

داغ کردنی جه‌رگی دایکانه

ڕۆژ ڕۆژی میلشیای کاربەدەستە نەوت فرۆشەکانە‌

به‌سه‌ بێدەنگی بەرامبەر ئەو بازرگان و زۆردا‌رانه‌

بەسە بێ هەلوێستی بۆ خاتر دەست کەوتی کاتی و ڕۆژانە

به‌سه‌چاو پۆشین له‌و گروپە دزو جه‌رده‌و خۆفرۆشانه‌

 به‌سه‌ تاکه‌ی مێگه‌ل ئاسا بکه‌وینه‌به‌ر که‌لبی ئه‌و که‌متیارو چه‌قه‌ل و گورگانه‌

برادۆست / ئه‌مه‌ریکا

نوسینی ٢٠١٠ ڕۆژی دایکان