فه‌یس بۆك ٣١ی ئابی لێده‌باری
كورته باسێك بۆ تێكڕای ئه‌وانه‌ی زۆر به‌زه‌قی باسی خیانه‌تی ٣١ی ئابیان ده‌كرد.
ئێمه خزمێكمان هه‌بو به‌ناوی (سه‌ید نه‌بی) سه‌ید نه‌بی كه‌سێكی جۆتیار و خودا په‌رست بو، خه‌لكان نوشته و دوعایان پێده‌كردن. گوێی گران بون و به ده‌نگی بلند نه‌با، تێنه‌ده‌گه‌یشت. هیچ كات چه‌كی به‌كار نه‌هێنابو، له دوای ئاداری ١٩٧٥، كه‌ند و دۆل و ڕوبار گشتیان پڕ ببون له‌و سیلاحانه‌ی جه‌ماعه‌تی ئاشبه‌تال له هه‌لاتن فڕێیان دابون. گوندیان خه‌لكێكی بێ ئه‌زمون و نه‌شاره‌زا بون و نه‌یانده‌زانی لێكه‌وته‌ی ئاشبه‌تال هه‌ر چه‌ك فڕێدان نابێت و ئاگردان له جیاتی خه‌روا، گوندو گوندیان ده‌سوتێنی. خه‌لكان كه‌یفیان
یادكه‌ره‌وه‌كانی ٣١ی ئابیش بیر كردنه‌وه و نیشان شكاندنیان له شێوه‌ی تفه‌نگچیاتی و نیشان شكاندنی سه‌ید نه‌بیی خزممانه. چاوی زۆرینه‌ی خه‌لك، ئه‌و هه‌موو تاوان و خیانه‌ته‌ی جه‌ماعه‌تی كورد پاره‌وه‌رو كوردایه‌تیی، به‌تایبه‌ت بنه‌ماله‌ی بارزانی و تاله‌بانی نابینن، دێن یادی ٣١ی ئابی سالی ١٩٩٦ ده‌كه‌نه‌وه. له ٣١ی ئابی ١٩٩٦ بنه‌ماله‌ی بارزانی ده‌بابه‌كانی ڕژێمی به‌عثی ئه‌نفالچیی هێنانه‌وه سه‌ر به‌ناو په‌ڕله‌مان و پایته‌ختی كوردستان. ئێستا ده‌بابه‌ی ده‌وله‌تی توركیی هێناوه‌ته سه‌ر زۆربه‌ی كوردستانی عێڕاق، ئه‌و ده‌وله‌ته توركیه‌ی له سه‌رده‌می كه‌مال ئه‌تا توركه‌وه، له‌سه‌ر خوێنی كورد و ئه‌رمه‌نیه‌كان دامه‌زراوه و هه‌رده‌م ئینكاریی هه‌بونی گه‌لی كوردی كردوه. ئه‌و ده‌وله‌ته‌ی ئێستایش ڕۆژانه له‌به‌ر چاوی جیهان به ده‌بابه به‌سه‌ر ژن و مندالانی كورد ده‌كه‌وێ و پانیان ده‌كاته‌وه، ئه‌و ده‌وله‌ته‌ی ڕۆژانه گونده‌كانی كوردستانی عێڕاق و سوریا به باله‌فڕان وێران ده‌كات، ئه‌و ده‌وله‌ته‌ی ئێختێسادی ولاته‌كه‌ی داڕماندییه بۆ له‌ناو بردنی كوردان، كه‌چی له‌سه‌ر داهات و دزی و تالانیی ژێر خان و سه‌رخانی ناوچه كوردنشینه‌كانی عێڕاق ده‌ژیێ و هێشتانیش ئه‌ردۆغان، كه‌مال ئه‌تاتورك ئاسا، ئینكاریی هه‌بونی كوردان ده‌كات و پیلانگێڕی له دژی هه‌رچوار پارچه‌ی كوردستان به‌ڕێوه ده‌بات. ئێستا له سایه‌ی بنه‌ماله‌ی بارزانی،یه‌وه، ده‌بابه‌كانی ئه‌و ده‌وله‌ته تۆقێنه‌ر و وێرانكه‌ره‌ی ژێر كۆنتڕۆلی ئه‌ردۆغان زۆربه‌ی كوردستانی عێڕاق،یان ته‌نیوه، بێجگه له كاری مخابه‌راتی و جاسوسی و بنكه‌كانی نهێنیی میت و ئه‌رگه‌نه‌كۆن و گیوله‌نیه‌كان. وه‌ك ده‌بیندڕێ، ڕۆژنه چالاكوانانی كورد سڕگوم ده‌كرێن و سیناریۆی نابه‌جێ دژی هاولاتیانی مه‌ده‌نی دروست ده‌كرێن و به‌بێ تاوان و داد له كونجی زیندانه‌كان ده‌ئاخێندرێن. كه‌واته خیانه‌ت و ٣١ی ئاب،تێپه‌ڕی نه‌كردوه و ڕۆژانه‌یه، هه‌تا ئه‌و هێزه وابه‌سته به‌داگیركه‌رانه‌وه ده‌ست ڕۆیشتو بن، ٣١ی ئاب به‌رده‌وام ده‌بێت و كۆتایی ناهێت.
به‌ڕای به‌نده، سه‌رانی كوردایه‌تی تێكڕا به مه‌لایی و جه‌لالیی و نه‌وشێروانیی و ئیسلامیه‌كان و چه‌په‌كان و كورت و درێژیانه‌وه، گشتیان له لایه‌ن هێزه ده‌ره‌كیه‌كانه‌وه خه‌سێندراون و جارێكی تر ڕوحی پیاوه‌تیان ناهێته‌وه به‌ر و هه‌تا مابن، ده‌بێ به حیزی و سه‌ر شۆڕی و تالانی و وێران كردنه‌وه وه‌كاله‌تی بۆ سه‌رمایه‌دارو داگیركه‌ران بكه‌ن. مانه‌وه‌ی هه‌ر ڕۆژێكی ئه‌و كورد پاره‌وه‌رانه، زه‌ره‌ر و زیانی سالێك و زیادتریش به‌ر هاولاتیان و نیشتیمان ده‌كه‌وێت. بۆیه پێویسته له‌سه‌ر هه‌موو ئه‌و كوردانه‌ی پاكن و ڕوحی پیاوه‌تیان له‌به‌ردا ماوه، بینكۆ بخه‌نه سه‌ر ڕێگایه‌ك بۆ له بناغه‌وه هه‌لته‌نكاندنی كوردایه‌تیی و شۆڕشێكی ترو عه‌قلێكی تر و په‌روه‌رده‌یه‌كی ته‌ندروست به‌رپا بكه‌ن. دلنیام زۆربه‌ی كورد ئه‌و ڕاستیانه ده‌بینن و ده‌زانن كه تێكڕای حیزبه كورد پاره‌وه‌ره‌كان جێی ئومێدیان تێدا نه‌ماوه و چیتر ناكرێ ڕه‌خنه‌یان لێ بگیرێ و خیانه‌ته‌كانیان بخرێنه‌وه به‌رچاو. چونكی ڕه‌خنه له كه‌سانێك و ڕێبازێك ده‌گیرێ، كه ئومێدی چاك بونیان لێ به‌دی بكرێ. خیانه‌ت وه‌بیر ئه‌و كه‌س و ڕێبازانه ده‌هێنرێته‌وه كه له‌ده‌سته خۆیان مابن و تۆزێك غیره‌ت و شه‌هامه‌تیان مابێت و شه‌رمیان به‌خۆیان بێت. ئه‌و حیزبه كورد پاره‌وه‌رانه ته‌واو له هه‌موو تاقی كردنه‌وه‌كان ساقت بوینه و هیچ تروسكاییه‌كی غیره‌تی نیشتیمانی بونیان تێدا نه‌ماوه، هه‌ر كه‌سێك به‌قه‌د سۆته‌كه جغاره‌یه‌ك ئومێدی پێیان مابێت، ده‌بێ له عه‌قل و تێگه‌یشتنی خۆی به گومان بێت.
ده‌ك غیره‌تیان گورگانخواد بێت ئه‌وانه‌ی له ترسان ناوێرن له‌سه‌ر ئه‌و ڕاستیانه لایك بكه‌ن
به‌لێ بۆ یه‌كسانی بون و پارێزراویی هاولاتیان و دادگه‌رایی.
وێنه‌كان له گوگل وه‌رگیراون.
No comments:
Post a Comment