ئهوڕۆ شینۆ ئێشمی لژینێ باركرد
شون وارێ خۆ چۆلو نهدیار كرد
دلێ سۆزداران ژار و خهمبار كرد
توربهك بۆ لهشێ بێڕوح دیاركرد
ئهمڕۆ شینۆ عومهر ئێشمهیی كۆچی دوایی كرد. ههر یهكێك كه مالئاوایی له ژیان دهكات، ناسیاوهكانی كۆمهله یادگاریهكیان لادهمێنیتهوه. له كاتی مندالیمدا، چهند ڕهفیق و هاوتهمێنێكم ههردهم لهدهوری باوكم دهبینین، ئهو ڕهفیقانه ههم یارمهتیدهری یهكتر بوون ههم پێكهوه دانیشتن و ئیش كردن و گهشت كردنیان ئهوهنده سادقانه و خۆناویستانه بوو، دهتگۆت گشتیان ئهندامی خێزانێكن. لهو ڕهفیقانهی باوكم، بهشێكیان بهتهمهنیش زۆر له یهكتر نزیك بوون. شینۆ یهكێك بو له ڕهفیقهكانی باوكم. باوكم له هاوینی ١٩٧٥ مالئاوایی له ژیان كرد. لهبیرمه ههرجاری شینۆ چاوی پێم دهكهوت، ئاهێكی دووری ههلدهكێشاو دهیگۆت، مستهفای باوكت ههر له من ڕۆیشت و ناتوانم هیچ كات لهبیر خۆمی بهرمهوه.
له سالانی هزار و نۆسهت و شێستهكاندا، كه شێخهكانی بارزان و برادۆستان دژی یهكتر له شهڕ دابون و ههژارهكانیان به یهكتر ملشكایی دهكردن، مستهفای باوكم و ڕهسول برایم و شینۆ و چهند ڕهفیقێكی تر پێكهوه له چهپهرێك دهبن و سۆبهیهكی دارانیان دامهزراندبوو، له شهو ڕاشكاندا، باوكم هندهك كهشكی لهبهر ۆكی سۆبهی داران لهسهر پێكوچكان دانابوون بۆ ئهوهی سۆر ببنهوه و بیانخوات، شینۆیش لهپهنای تاریكایی سۆبه دهپارزیته كهشكهكان بۆ ئهوهی له باوكم بدزی و بیانخوات، ڕهسول برایمیش نێزیكی گهڕه نوبهی دهبێت و خهریكی خاوێن كردنهوهی تفهنگ دهبێت بۆ ئهوهی بچیته نۆبهداری، لهو كهین و بهیندا، ڕهسول تفهنگی لهدهست دهردهچیت و كولله له بۆڕیه سۆبه دهدات، بۆڕی كون دهبێت و گوڕیی ئاگری لهبۆ بانی دهڕوات، لهگهل گرمهی تفهنكێ، شینۆ پشتاو پشت دهكشێتهوه، باوكیشم یهكسهر پێیدهلێ، گهر زیرهكی ناكشێیهوه ههی بێدین، كهشكهكانم لێ دهدزی؟ ههرجاری شینۆ، یادگاریهكانی خۆی و باوكمی دهگێڕانهوه، دهیگۆت، مستهفا له ههر تهنگانه و ئارامیدا، قسهی سهیرو خۆشی لێنهدهبڕان.
شینۆ تهمهنی لهسهروی ههشتا سالان بوو، كهسێكی زۆر دیندار و به قهناعهت بوو، ڕهنجبهرو مهڕدارێكی بهردهوام بوو، بهداخهوه، له سهردهمی گهنجایهتیی ئهواندا، زۆر تۆلاز بێ مراد دهمانهوه و نهیاندهتوانی ژیانی هاوسهری پێكبهێنن. شینۆیش یهكێك بوو لهو بێ مرادان و بڕواناكهم له ژیانیدا بهناوی جۆتبوون دهستی بهردهستی هیچ ژنێك كهوتبێت و بهبێ مرادی ژیانی بهجێ هێشت. بۆیه وشهی مرادم بهكار هێناوه، چونكی سهردهمی گوندان، ههردهم باو بوو، له جیاتی ههر دوعاو سوپاس كردنێك، به تۆلازان دهگۆترا به مراد بن، خودا مرادت حاسل بكات، به مرادو مهخسهدهكانت بگهی و ههتا دوایی.
شینۆ زێدهتر له سالێكه به نهخۆشیهكی گرانهوه دهینالاند، خزمانی له زۆر دكتۆرانیان گهڕاند و داوو دهرمانیان بۆی پهیدا كردن، بهس هیچیان نهبوونه یارمهتیدهری گهڕانهوهی تهندروستیی ئهوو بهو دواییانه تهواو هۆش و بیریشی لهدهست دابوون، بهداخهوه ئهمڕۆ بهیانی ههوالی كۆچی دوایی گهیشت. شینۆ فریشتهیهكی خوایی بوو، بڕواناكهم له ژیانیدا، ڕقی لهكهس بوبێت و مرۆڤێكی زۆر مسكین و بهدین بوو. ئێمهیش دواعاخوازین ڕوحی ههر شاد و ئاسووده و ههسیایهوه بێت و خودای سروشتی ژیان لهو دونیادا ڕوحی بهههشتی بكات و پاداشتی بێ مرادیی ئهم دونیایهی بداتهوه.
بهشداری پرسهی ههموو خزم و مالباتی شینۆی ڕهحمهتین و ئارامی و خۆڕاگری بهشی ههموو لایهكمان بێت.
بهسوپاسهوه وێنهكهم له كاك مههدی حهسهن وهرگرتووه و دهستكاریم كردووه، دیاره وێنهكه له كاتی نهخۆش كهوتن گیراوه.
كهوی(مالی) بوون و بوونه سه(سهگ)ی وهفادار، له جیاتی سروشتی ژیانی ڕهسهنیان، فێری نوستن و خواردنی سهر گوفهكی ئاوهدانیی مرۆڤهكان بوون. ناویان لێنان خڕۆ و برزۆ. كرانه سهگی بهر مهڕ و له جیاتی بژونخۆری، بونه بۆگهنخۆر.
توله گورگهكانی تر،گهوره بوون و ههر وهك سهروشتی ڕهسهنی خۆیان به گورگایهتی مانهوه و لهگهل دێله گورگی دایكیان فێری نێچیر و پهلاماردان و پهیدا كردنی خواردنی بژونی ڕۆژانهیان بوون. گورگهكان بهدوای ڕێكهوتدا دهگهڕان و ههر شوان له مهڕ خافل ببانه، پهلاماری مهڕهكانیان دهدا. بهس دوای ئهو گورگانهی كهوی كران و له لایهن مرۆڤهوه كرانه سهگی بهر مهڕی و یارمهتیدهری شوانان، خوشك و برا گورگهكانی تر، نهیاندهتوانی تخونی مهڕ بكهون له ترسی برا بهسهگ كراوهكانیان. شهوێك گورگهكان زۆریان برسی بوو، پارێزیان برد بۆ مهڕهكان، شوان له گرانهخهو دابون ئاگایان لههیچ نهبوو. لهگهل گورگهكان پهلاماری مهڕهكانیاندا، گورگه بهسهگ كراوهكان گورزۆ و برزۆ بهرپهرچی گورگه به ڕهسهن خوشك و براكانیانداو خۆیان له یهكتردا. ههرچهنده گورگه به سهگ كراوهكان دهرهقهتی گورگه ڕهسهنهكان نههاتن، بهس شوانێك لهو كاتیدا بهخهبهر هات و تفهنگێكی هاویشته گورگهكان، گورگێك بهبهر تفهنگ كهوت و قالچهی شكان. به برینداری كهوته بهر كهلبهی برا بهسهگ كراوهكانی و بێ ڕوحمانه ههلیان دڕاندو كوشتیان. پاشان چهند ڕۆژێك بوو، شوان نانی نهدهدا گورگه بهسهگ كراوهكان ههتا تهواوی گۆشتی گورگه ڕهسهنه كوژراوهكهیان خوارد و هێسكهكانیشیان كڕاندن. لهو كاتیهوه گورگه كهوی كراوهكان وهفایان بۆ ڕهسهن و سروشت و دایك و خوشك و براكانیان نهماو و بونه وهفاداری شوانی مهڕ و هێسك و گۆشتی برایهكهی خۆیان خوارد و بونه پارێزوان و وهفاداری ئهو مرۆڤهی ههر لهسهر بێچكه ئهسیری كردبون و كلك و گوێی دامالیبون و له ڕهسهنایهتی خستبون، ئێستایش ههموو سهگهكان بهو شێوهن. بۆیه من سهگم وهك وهفادار خۆش ناوێن، تهنها وهك گیاندار خۆشم دهوێن. بهشێكی مرۆڤهكانیش سیفهتی ئهو سهگانهیان ههیه، دوژمنی ڕهسهنی خۆیانن و وهفاداری مرۆڤه دڕوندهكانن، دهكرێ ئهو مرۆڤهی خۆیان بهخاوهنیان سهپاندووه، كلك و گوێیشیان ببڕن، هێشتانیش لهبهری بنوزێنهوه و ڕاوی هاوڕهنگهكانی خۆیان بۆ مرۆڤه دڕوندهكه بكهن.
