جوێنی دوسه‌ر
ده‌گێڕنه‌وه و ده‌لێن گوندی كانیه‌ڕه‌شی ناوچه‌ی برادۆست مه‌خفه‌رێكی عه‌سكه‌ری لێده‌بێت، عه‌سكه‌ره‌كان گشتیان عاره‌ب ده‌بن و وشه‌یه‌كی كوردی نازانن. گه‌نجێكی ئه‌و گونده ڕۆژانه ماست به عه‌سكه‌ره‌كان ده‌فرۆشی، گفتوگۆیان ته‌نها به ئیشاره‌ت ده‌بێت. پاشان گه‌نجه كورده‌كه فێری چه‌ند وشه‌یه‌كی عاره‌بی ده‌بێت و عه‌سكه‌رێكیش ڕۆژانه وه‌ك براده‌ر ده‌یبینێ و ماستی لێده‌كڕی، ڕۆژێك عه‌سكه‌ره‌كه له گه‌نجه‌كه ده‌پرسێ و ده‌لێ ناوت چییه ( ما اسمك؟)
گه‌نجه‌كه‌یش، به نیازی خۆی جوێن به عه‌سكه‌ره‌كه دده‌دات و پێیڕاده‌بوێری پێیده‌لێ ناوم متكونه! واته متقون.
گه‌نجه‌كه ده‌ڕوا، ڕۆژێ پاشتر عه‌سكه‌ره‌كه ماستی ده‌وێت و مالی گه‌نجه‌كه‌یش پێنازانێ، به‌ناو گوندی ده‌كه‌وی، ده‌گاته هه‌ر كه‌سێك، لێیده‌پرسی، متكون له‌كوێیه؟ ( این متكون؟).
هه‌تا وایلێدێت عه‌سكه‌ره‌كه له‌هه‌ر جێگایه‌ك گه‌نجه‌كه ده‌بینێ، یه‌ك به‌ده‌نگی به‌رزی بانگی ده‌كات، وه‌ره متكون، تۆ له‌كوێی؟
( هیا متكون این كنت؟) گه‌نجه‌كه له ترسی ئه‌و جوێنه‌ی به عه‌سكه‌ره‌كی دابو و بۆخۆی گه‌ڕابویه‌وه، ته‌ركی گوندی كردبوو هه‌تا ئه‌و عه‌سكه‌ر نه‌قل نه‌ببوو نه‌یتوانیبو له ترس و شه‌رمی ئه‌و جوێنه‌ی خۆی به ئاشكرا بێته‌وه گوند و مال و ئاوه‌دانی.
دوای نه‌قل بونی عه‌سكه‌ره‌كه‌یش، زۆرێك له گه‌نجانی گونی ژیانی گه‌نجه‌كه‌یان هه‌راسان كردبو و ئه‌و جوێنیان به‌زار گرتبو و له‌كۆلی نه‌ده‌بونه‌وه، بۆیه گۆتراوه، خۆكردیان ده‌رمانیان نییه
No comments:
Post a Comment