سێودینی باپیری باپیرمان: واتە بابکی پێنجەممان
بەپێی گێڕانەوەی باپیرمان، لە سەدەی هەژدەدا سێودینی باپیری باپیرمان، زەوی و ده‌ره‌دییه‌كی زۆری هەبووە لە گوندەکانی هارونێ و چنارێ لە دەشتی بەرازگری دەڤەری برادۆست. قەسرێکی لە گوندی چنارێ هەبووە. ئێستاش بناغە و دیوارەکانی ماون و لە لای زۆربەی خەلکی بەرازگر قەسری چنارێ یان بلێین قەسری سێودین ئاشکرا و مەشهورە.
باپیرمان حەمەد زۆر بەسەرهاتی تال و شرینی بۆ دەگێڕاینەوە و دەیگۆت، ”من ئەوەندە مندال بوم بەبیرم ناهێ کەی دایکمان کۆچی دوایی کردووە. بابمان ئێمەی بە سێویایەتی بەخێو کردووە و فاتیمەی خوشکمان یارمەتیدەر و هاریکاریی بووە. زۆری نەخایاند، باوکیشمان کۆچی دوایی کرد. ئێمە هەرسێ مندال هێتیم و سێوی ماینەوە و خەلکان یارمەتییان دەداین. پاشان فاتیمە مێرد بە خزمێکیان دەکا بەناوی شینۆ. دیارە شینۆ زۆر باش بووە بۆیان و بە جوانی بەخێویانی کردووە، بۆیە هەرکاتی باپیرمان حەمەد ناوی شینۆی دەهێنا، بە خال شینۆ باسی دەکرد. شینۆ خاوەنی زەوی و ملکێکی یەکجار زۆر بووە. زۆربەی زەویی گوندەکانی جۆرتی سەرێ و خوارێ، زیارەت، بڕەپیر، سولکێ، چەمی سولکێ و ئه‌لموشی ژێری هی شینۆ بوونە. حەمەد و حەسەن و شینۆ و فاتیمه هەرچواریان پەیمانی دلسۆزی و تەبایی دەبەستن و سۆزدارانە و تەبا خەریکی ژیانی ڕۆژانەی خۆیان دەبن.
بابەتی مالباتمان لە گێڕانەوەی باپیرمانەوە بەردەستن و جار جارە کورتەیەکیان لێ دەخەینە بەر دیدەنی گەشی هاوزمانانمان
No comments:
Post a Comment